Yangiliklar World7.uz
Toshkent shahridagi 73 ta asosiy ko‘chada avtobuslar uchun alohida yo‘lak tashkil etiladi. Bu haqda prezident majlisida ma’lum qilindi.
Qayd etilishicha, chorrahalar o‘tkazuvchanligini oshirish dasturi ishlab chiqilgan. Bu orqali avtobuslar o‘rtacha tezligi 1,5 baravar oshib, kechikishlar bartaraf etiladi.
Viloyatlar hokimlariga Transport vazirligi bilan birgalikda bir oy muddatda:
- o‘z hududida transport infratuzilmasini yaxshilash bo‘yicha manzilli dasturni tasdiqlab, ishlarni boshlash;
- namunaviy bekat loyihasini ishlab chiqib, tadbirkorlarga reklama va bankomat xizmatlarini tashkil qilish uchun vaqtinchalik foydalanishga berish tartibini kiritish topshirildi.
Ayni paytda hududlar rahbarlari va soha mutasaddilari berilgan topshiriqlar ijrosini qanday tashkil etishi yuzasidan axborot bermoqda.
Mavzuga doir: Toshkentda avtobusning yurgan masofasiga qarab to‘lov qilish tizimi yo‘lga qo‘yiladi
