“O‘zgidromet” fevral oyida qanday ob-havo kutilayotganini ma’lum qildi

“O‘zgidromet” fevral oyida kuzatiladigan ob-havo haqida ma’lumot berdi.

Unga ko‘ra, fevral oyining birinchi o‘n kunligida harorat asosan kechalari 0-5 daraja iliq, ba’zi joylarda 2 daraja sovuq, kunduz kunlari 3-8 daraja iliq, ba’zi joylarda 10-12 daraja iliq, shimolda kechalari 3-8 daraja sovuq, kunduz kunlari 2-7 daraja iliq atrofida bo‘ladi.

O‘n kunlik nisbatan yog‘ingarchilikka boy bo‘ladi. Respublikaning barcha hududlari bo‘yicha vaqti-vaqti bilan asosan yomg‘ir ko‘rinishidagi yog‘ingarchilik bo‘ladi. Ba’zi joylarda qorga aylansa ham, asosan, yomg‘ir yog‘adi.

Keyinchalik, fevral oyining oxirigacha harorat kechalari 2-7 daraja iliqdan 0-5 daraja sovuqqacha, kunduz kunlari 2-7 daraja iliqdan 12-17 daraja iliqqacha o‘zgarib turishi kutilmoqda.

Ayrim kunlarda respublika bo‘yicha ba’zi joylarda qor va yomg‘ir ko‘rinishidagi yog‘ingarchilik bo‘ladi.