Yangiliklar World7.uz
17 декабр куни тушдан сўнг Қарши шаҳрида яшовчи 46 ёшли эркак ва унинг уч нафар (18, 16 ва 10 ёшли) фарзанди иситиш тизимидан чиққан ис газидан заҳарланиш оқибатида вафот этди.
Бош прокуратура матбуот хизматининг Kun.uzʼга маълум қилишича, уй ертўласида ўрнатилган замонавий икки контурли иситиш қозони мўрисининг умумий вентиляция мўрисига уланган қисмидан ис гази чиққан.
Фуқаро Б.Т. ва унинг фарзандлари Т.А. (2006 йил, ўғил бола), С.А. (2008 йил, қиз бола) ва М.А.лар (2014 йил қиз бола) иситиш тизимидан чиққан ис газидан заҳарланиш оқибатида ўз яшаш хонадонида вафот этган.
«Кўздан кечириш давомида аниқланган дастлабки ҳолатга кўра, уйнинг ертўласида ўрнатилган замонавий иситиш қозонининг (двух контурный котёл) ёнган ис гази чиқиши учун ўрнатилган мўрининг умумий ҳаво тортиш мўрисига (вытяжная вентиляция) уланган қисмидан ис газининг сизиб чиқаётгани аниқланган», — дейилади прокуратура Kun.uzʼга тақдим қилган маълумотномада.
Қарши шаҳар прокуратураси терговга қадар текширув ўтказмоқда.
