Yangiliklar World7.uz
Эътиборли жиҳати, ушбу автобуснинг орқа қисмига «Умр тезликдан муҳимдир» ёзувли баннер жойлаштирилган.
Самарқанд шаҳрида автобус йўлнинг белгиланмаган қисмидан ўтаётган пиёдани уриб юбориб, унинг ўлимига сабабчи бўлди. Ҳолат юзасидан жиноят иши қўзғатилди.
Фото: Самарқанд вилояти ИИБСамарқанд шаҳрида автобус пиёдани уриб юбориб, унинг ўлимига сабабчи бўлди. Бу ҳақда Самарқанд вилояти ИИБ ахборот хизмати хабар берди.
Қайд этилишича, воқеа 18 декабр куни соат 07:30 атрофида шаҳарнинг Нарпай йўли кўчасида содир бўлган.
Автобус ҳайдовчиси йўлнинг белгиланмаган қисмидан ўтаётган пиёдани уриб юборган. Оқибатда 35 ёш атрофидаги аёл олган тан жароҳатлари билан воқеа жойида вафот этган.
Эътиборли жиҳати, ушбу автобуснинг орқа қисмига «Умр тезликдан муҳимдир» ёзувли баннер жойлаштирилган.
Ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Аввалроқ Тошкент вилояти Янгийўл туманида 5 болани босиб кетиб, икки нафарининг ўлимига сабабчи бўлган ҳайдовчи ахлоқ тузатиш жазосини олгани тўғрисида хабар берилганди.
