Yangiliklar World7.uz
Россиянинг «Урса Майор» юк кемаси Ўрта Ер денгизида Испания ва Жазоир ўртасида чўкиб кетди, деб ёзади La Verdad. Ўн олти денгизчидан иккиси бедарак йўқолган.
ОАВ хабарларига кўра, бортдаги 16 денгизчидан 14 нафари Картагена портига олиб кетилган. Яна иккиси бедарак йўқолган.
La Verdad манбаларига кўра, 23 декабр куни соат 12.30 да «двигателлари портлаган» кема ҳаракатланишдан тўхтаган. Россия ҳарбий кемаси қутқарув операциясини, шунингдек, бир ҳудудда ҳаракат қилаётган бир нечта кемани назоратга олди. Кейинроқ уларга Испания ҳарбий-денгиз кучларининг патрул кемаси қўшилди.
«Урса Майор» Россия базаларини эвакуация қилиш учун Сурияга йўл олган бўлиши мумкин — ОАВ
Расмий равишда «Урса Майор» юк ташувчиси Санкт-Петербургдан Владивостокка кетаётган ва у ерга 2025 йил 22 январда етиб бориши керак эди. У ерга, «Оборонлогистика» компанияси маълумотларига кўра, ҳар бири 380 тонналик порт кранларини етказиб бериши керак бўлган.
Бироқ, “Медиазона” OSINT таҳлилчиларга таяниб, Ўрта Ер денгизига учта йирик ҳарбий десант кемаси ҳамроҳлигида кирган “Спарта” ва “Урса Майор” юк ташувчилари узоқ вақт давомида Суриядан юк ташиганини ёзган. Мутахассисларнинг фикрича, барча бешта кема Россиянинг Тартус ва Хмеймимдаги ҳарбий базаларини эвакуация қилиш учун мўлжалланган бўлиши мумкин.
