Лазизбек Мулложонов энг камида бронзага эга бўлади. Бразилиялик боксчини «эркин» нафас олдирмай ғалаба қозонди

Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.

Бокс бўйича Ўзбекистон терма жамоаси аъзоси Лазизбек Мулложонов «Париж-2024» ёзги Олимпиада ўйинларидаги иштирокини давом эттирди.

Ҳамюртимиз -92 кг вазн тоифасидаги рақиби бразилиялик Кено Машадога қарши рингга кўтарилди. Қийин кечган баҳснинг биринчи раундда 3:2, иккинчи раундда 4:1 ва учинчи раундда 5:0 ҳисоби қайд этилди ва Лазизбек кейинг босқичга йўл олди.